08 октября 2010 г.
Тăвайри футбол ветеранĕсем республика чемпионачĕн иккĕмĕш тапхăрне çав тери япăх хутшăнаççĕ. Вĕсем юлашки вăйăра килте “Ишлейри” “Звездаран” 0:5 шутпа çухату тÿсрĕç. “Честрпа” “Волгăна” выляса янă хыççăн команда пуçа усрĕ, мала тухас шанăçа çухатнă хыççăн сÿрĕккĕн выляма пуçларĕç. Футболистсем ура пуçне мечĕк лексен харпăр тĕлĕшшĕн «ăсталăх» кăтартма тытăнчĕç, пĕр-пĕрне пас парса, “шăла çыртса” выляма пăрахрĕç. Пурте пĕлетпĕр, футбол коллективпа вылямалли вăйă, пĕччен, тем пек пултаруллă пулсан та, нимех те тăваймăн. Хăш-пĕр футболистсем вăйăсене хутшăнайманни чăрмав кÿрет. Чемпионатри юлашки тĕлпулăва тăвайсен Йĕпреçре вырăнти “Звездапа” ирттермелле.