24 августа 2010 г.
Пирĕн кооператорсем çамрăксене суту-илÿ ĕçне хăнăхтарассишĕн те тимлеççĕ. Ятарлă вăтам е аслă пĕлÿ илекенсене практикăра сентре умĕнче ĕçлеме хаваспах йышăнаççĕ. Хăш-пĕрисем дипломлă пулсан “Тăвайри кооператив” потребобщество коллективнех ĕçлеме таврăнаççĕ. Пуçаруллă пулнă çамрăксене яваплă вырăн сĕнме иккĕленсе тăмаççĕ кунта. “Пуласлăхăмăра шанмалла ялан”, – теççĕ.
Тăвайри вăтам шкулта вĕренекен И.Ивановапа О.Егорова ак, çуллахи каникул тăршшĕпех урамра мороженăй сутса кооператорсене пулăшрĕç. Тен, çÿлерех асăннă ĕçе малалла тăсакан та пулĕ вĕсен хушшинче.