17 августа 2010 г.
Çĕнçырмари В.Николаев хресчен-фермер хуçалăхĕ çулленех ытти хуçалăхсене тырă çапса илсе пысăк пулăшу парать. Кăçал та пулăшу ыйтакансене тивĕçтерме тăрăшрĕ. Çапла акă, тĕслĕхрен, Киччĕ хуçалăхне янă хăйĕн комбайнне, киччĕсен пĕтĕм тыррине çапса илсе панă. “Палессе” комбайнпа Вячеслав Владимировичăн ывăлĕ Вениамин ĕçлет. Хастар çамрăк ĕçе пысăк яваплăхпа пурнăçлать. Осипов хресчен-фермер хуçалăхĕнче те тырă вырса çапнă вăл кăçал, кунта та икçĕр гектара яхăн çапса тĕшĕленĕ кĕске хушăрах.
–Çакă çеç кăмăла хуçать, – тет Вячеслав Владимирович фермер, – кăçал тырă тухăçĕ пурин те пĕчĕк.