10 августа 2010 г.
Районти футбол чемпионачĕ финишалла çывхарнăçем кĕрешÿ татах çивĕчленчĕ. Иртнĕ шăмат кун тăрмăшсем киччĕсене йышăнчĕç. Питĕ çĕнтерес шухăшлăччĕ хăнасем, анчах тăрмăшсем паянхи кун чи тикĕс вылякан туслă коллектив пулнине çирĕплетсе пачĕç. Вĕсем тĕл пулăва 3:1 шутпа выляса илсе киччĕсене хăйсем патне çывхартмарĕç.
“Лидер” иртнĕ турта чутейсене 7:2, тăвайсем хăнара тушкилсене 3:2 шутсемпе парăнтарчĕç. Нăрвашсем вылямасăрах 3 очко илчĕç "элпуçсем пыман".
Çак шăмат кун тушкилсем тăрмăшсене, киччĕсем “Лидера”, тăвайсем нăрвашсене йышăнаççĕ. Чемпионат вĕçлениччен тепĕр 2 тур кăна юлать.