10 августа 2010 г.
Тăрмăшсем хăйсен ял уявне улттăмĕш çул йĕркелеççĕ. Ял хĕрринчи стадиона шăматкун çынсем чылайăн пухăнчĕç.
Унта район пуçлăхĕ Н.Иванов, Ленин ячĕллĕ ЯХПК ертÿçи В.Николаев, Тăрмăш ял поселенийĕн пуçлăхĕ В.Разин тухса калаçнă, çĕр ĕçченĕсене ăнăçу, хаваслă канма суннă.
Тăрмăшри, Тăвайри культура çурчĕсен ĕçченĕсем, Шупашкарти артистсем хăйсен пултарулăхĕпе паллаштарнă. Футболла, волейболла вылянă, кире пуканĕ йăтнă. Суту-илÿ ĕçченĕсем тĕрлĕ тавар сĕннĕ. Шÿрпе те тутаннă уяврисем. Ялти В.Лукин предприниматель Тăрмăшри футболистсене çĕнĕ форма парнеленĕ. Хаваслă иртнĕ асăннă ялăн уявĕ.
Сăн ÿкерчĕкре: тăвайсем юрлаççĕ.