03 августа 2010 г.
Ветерансем хушшинче республикăри футбол чемпионачĕн пĕрремĕш çаврăмĕ вĕçленсе пырать. Виççĕмĕш вырăнтан тăвайсене Шупашкарти “Сталь” хĕссе кăларчĕ, 4:0 шутпа çĕнтерчĕ. Иртнĕ шăмат кун тăвайсем Сĕнтĕрвăрринче “Анишпа” вылярĕç. Шут 1:1.
Халĕ ветерансен ушкăнĕнче “Волга”, Ишлейри “Звезда” тата “Сталь” малта. Пĕрремĕш çаврăм хыççăн малти 8 вырăн (14-ăн выляççĕ) йышăннă командăсем 2-мĕш çаврăма хутшăнаççĕ.
Районти футбол чемпионатĕнче пысăк улшăнусемех пулмарĕç. Чи çивĕч пулмалли тĕл пулусенчен пĕри – тăвайсемпе тăрмăшсем хушшинче – иртмерĕ, ăна каярах вăхăта куçарчĕç. Нăрвашсемпе “Лидер” хушшинчи тĕл пулу 3:3 шутпа вĕçленчĕ. Командăсем хăйсен пухмачне 1-ер очко хыврĕç. Тушкилсем килте эльпуçсене 2:1 шутпа парăнтарчĕç. Чутейсем Киччĕне кайман. Малта – тăвайсем, 24 очко. Киччĕсем 22 очкопа нăрвашсене хуса çитрĕç. Çак шăмат кун вĕсен Тăрмăшра чи яваплă тĕл пулу: илейрĕç-и 1-мĕш çаврăмри çухатушăн реванш е çук. Ку результат ытти командăсемшĕн те пĕлтерĕшлĕ пулĕ.