20 июля 2010 г.
Петрав кунĕ Мучар чиркĕвне ĕненекенсем йышлăн пуçтарăнчĕç. Таврари ялсенчен те пынă: кам – çуранах, кам – машинăпа. Владимир атте служба ирттерчĕ.
Уявăн тата тепĕр ырă саманчĕ те пулчĕ. Çав кун Мучарта çуралса ÿснĕ, халĕ Çĕнĕ Шупашкарта пурăнакан Татьяна Александровна Николаева (хĕр чухнехи хушамачĕ Губанова) чиркĕве чан парнелерĕ. Татьяна Александровна предприниматель ĕçĕнче тăрăшать, магазинсем тытать. Тăван яла манманни, ăна мĕнпе те пулса пулăшма ăнтăлни çав тери паха туртăм. Владимир аттепе Ирина матушка прихожансен, ял-йыш ячĕпе Татьяна Александровнана чĕререн тав турĕç, ырлăх-сывлăх, телейпе ăнăçу сунчĕç.