29 июня 2010 г.
Ĕçчен те туслă Тăвайри Ленин урамĕнче пурăнакан Григорьевсен çемйи. Виталий Григорьевичпа Ольга Алексеевна тивĕçлĕ канура. Апла пулин те, ĕçе ачаран хăнăхнăскерсем, иртен пуçласа каçченех килти хуçалăха йĕркелесе пыраççĕ. Ăна типтерлĕ, яланах юсавлă, таса тытса тăма тăрăшаççĕ.
Ĕçчен ватăсене кура çу кунĕсенче ывăлĕпе кинĕ те пахчаран кĕме пĕлмеççĕ. Владимир Витальевичпа Алевтина Владимировна икĕ ывăл пăхса çитĕнтереççĕ. Тараватлă çемьере Алена ятлă мăнукĕ ÿсет. Ăна, çĕр-шыври чылай хуласен сценисем çинче юрласа палăрнă хĕре, районта нумай çын пĕлет. Саккăрмĕш класс пĕтернĕ Алена, пĕрремĕш класран вĕренсе тухнă Сашук, садике çÿрекен Дима пысăккисене кирек мĕнле ĕç тунă чухне те пулăшсах тăраççĕ.
Курасчĕ сирĕн çак шăрăх çанталăкра туслă çемье çимĕçсене шăварнине. Куллен ĕç вĕресе тăрать пахчара.
Сăн ÿкерчĕкре: туслă çемье ĕçре.