25 мая 2010 г.
Ыран, майăн 22-мĕшĕнче, футболпа район чемпионачĕ пуçланать. Кăçалхи ăмăртусене 9 команда хутшăнма кăмăл турĕ. Шăпа тăрăх нăрвашсем тăрмăшсене, чутейсем чÿкçырмисене, киччĕсем тăвайсене, “Лидер” эльпуçсене йышăнаççĕ, тушкилсем канаççĕ.
Иртнĕ çулсенчи çитменлĕхсенчен хăтăлма тăрăшмалла. Вĕсенчен пĕри вăл команда килте вылять, анчах хăнана пуçтарăнса каяймасть, юлашкинчен, 3–4 вăйă хыççăн, пачах выляма пăрахать. Çапла ан пултăр тесен, çамрăксене пуçтарăнуллăрах пулма сĕнес килет. Хăвăр çине яваплăх илтĕр пулсан, ăна пурнăçламалла. Кирек мĕнле ĕçри пекех, командăра йĕркелÿçĕ-лидер кирлĕ, ыттисен ăна пулăшма тăрăшмалла. Судьясен тĕл пулусене харпăр хăй уссине татса парассинчен пăрăнмалла, объективлă пулмалла.
Вăйăсем эрнере 1 хутчен, шăмат кунсенче пулаççĕ. Ăнăçу сире!