12 мая 2010 г.
Василий Павлович Павлов – пирĕн тăрăхри вăрçă ветеранĕсенчен чи палли. Вăл 1945 çулхи июньте Çĕнтерÿ парадне хутшăннă. Хĕрлĕ Çăлтăр, III степеньлĕ Мухтав орденĕсене, нумай медаль илме тивĕç пулнă. Вăрçăран таврăнсан хăйĕн кун-çулне ачасене вĕрентессипе çыхăнтарнă. Маларах Василий Павлович шкула час-часах килсе çÿретчĕ. Вăрçă çинчен вăл каласа панисем чĕрене пырса тивеççĕ. Пире, çамрăксене, пурнăç çине мĕнлерех пăхмалли çинчен кирлĕ сĕнÿсем те парать ветеран.
Халĕ сывлăхĕ кăштах хавшарĕ курăнать. Питех тухса та çÿреймест. Эпир вара хамăр вĕсем патне кайса çÿреме тăрăшатпăр. Пире яланах хапăл кунта.
Пурăннă чух ветеран-салтаксем çинчен пĕр самант та манас марччĕ.
Аслă Çĕнтерÿ 65 çул тултарнă ятпа Василий Павловича шкул ачисен ячĕпе хĕрÿллĕн саламлатпăр. Çирĕп сывлăх, телей, вăрăм кун-çул сунатпăр.