23 апреля 2010 г.
“Ырă ĕçсем урлă – тĕнче культури патне!”. Çавăн пек девизпа ака уйăхĕн 17–24-мĕшĕсенче Чăваш Республикинче Пĕтĕм Раççейри “Çуркуннехи ырăлăх эрни” пырать.
Çынсем хăйсен ирĕкĕкпе хутшăннипе йĕркелекен çак эрнене 1997 çултанпа ака уйăхĕнче ирттереççĕ. Тĕллев – тĕрлĕ ÿсĕмри çынсене çуркуннехи социаллă пĕлтерĕшлĕ мероприятисене явăçтарасси, çавăн пекех Раççейре çынсем хăйсен ирĕкĕпе йĕркелекен, ĕç-хĕле йĕркелÿпе право тĕлĕшĕнчен пулăшас енĕпе тимлĕ пуласси.
Çак акци тапхăрĕнче районти çынсем нумай-нумай ырă ĕç турĕç. Палăксене, урамсемпе ялсене, харпăр хăй пурăнакан вырăнсене тирпей-илем кĕртес енĕпе хастарлăх кăтартаççĕ. Çамрăксем вăрçă ветеранĕсене, тыл ĕçченĕсене тĕрлĕ енĕпе пулăшаççĕ.