23 апреля 2010 г.
Кĕркунне Вăрманхĕрри пĕвинче шыв юлманпа пĕрехчĕ, таса марччĕ вăл. Çавăнпа пулăсем те питĕ асапланатчĕç унта. Тавралăх илемĕ те кунсерен тĕссĕрленсе пыратчĕ пĕве çывăхĕнче.
Вăл хĕл ыйхинчен мĕнле вăраннине кайса куртăмăр иртнĕ кунсенче. Пăр кăштах кăна юлнăччĕ пĕвере, шывĕ вара питĕ тулличчĕ унăн, шахтă тăрринчен юхса тасалса тăратчĕ. «Тăвай ял поселенийĕ пуçарнипе нумаях пулмасть пĕве шахтине юсарĕç, тепĕр тимĕр-бетон çаврашка лартса цементпа лайăх çирĕплетрĕç, ун чухне шывĕ те çукчĕ. Тепĕр икĕ кунтанах пĕве шывпа тулса ларчĕ. Ял çыннисем тăрăшни куç умĕнче акă халь»,– тесе пĕлтерчĕç пире. Пĕвене тинех юсама май тупни питĕ савăнтарчĕ. Пысăк тав ырă ĕç тума хутшăннисене. Ытти пĕвесемпе кÿлĕсене те çакнашкал пăхса тăрсан аванччĕ.
Çуллахи шăрăх кунсенче çынсене канма лайăх пултăр тесен пĕве йĕри-тавра тирпей-илем кĕртмелли кăна юлать ĕнтĕ.