20 апреля 2010 г.
Çырава йĕркеллĕ хатĕрленсе ирттерсе яма Çĕнĕ Пуянкасси ял поселенийĕнче ятарласа комисси туса хунă, ăна ял администрацийĕн пуçлăхĕ Н.С.Васильев ертсе пырать. Комисси планпа килĕшÿллĕн тĕрлĕрен ĕçсем туса ирттернĕ.
Ял поселенийĕ икĕ ялтан тăрать. Вĕсенчи урамсен ячĕсене, çуртсен номерĕсене тĕрĕслесе çĕнĕрен улăштарнă. Çырав ыйтăвĕпе ĕçлекенсем валли ятарлă пÿлĕм уйăрса панă. Çынсем час-часах пулакан вырăнсенче стендсем çакнă. Тĕрлĕ мероприятисенче, информаци кунĕсенче халăха çак питех те пысăк пĕлтерĕшлĕ мероприяти çинчен ăнлантарасси малалла пырать. Хальхи вăхăтра çынсене тĕрĕс шута илес, адрес хуçалăхне йĕркелес ĕçсем пыраççĕ.