16 апреля 2010 г.
Тушкилти вăтам шкулăн 1-мĕш класне çÿрекенсем хăйсен вĕрентекенĕпе Е.В.Васильевапа пĕрле ялти библиотекăра экскурсире пулчĕç. Ачасем тĕрлĕ кĕнекесен куравĕсемпе паллашрĕç. Вĕсемшĕн уйрăмах “Аслă Çĕнтерÿ çулĕпе” куравпа ветерансем çинчен хатĕрленĕ альбом кăсăклă пулчĕ. Çавăн пекех ал ĕçĕсен куравĕпе, вĕтĕ шăрçасенчен тунă чечексемпе паллашма пултарчĕç. Библиотекăра “Асанне çÿпçинчен” музей кĕтесĕ пур. Вăл та ачасенче кăсăклану çуратрĕ.
Шкул программипе К.Чуковский пултарулăхне вĕреннĕ май ачасемпе викторина ирттертĕмĕр. Корней Ивановичăн юмахĕсем тăрăх хатĕрленĕ ыйтусем çине хуравсем пачĕç вĕсем, унăн “Чăх чĕппи” презентацине компьютерпа пăхрĕç.
Сăн ÿкерчĕкре: вĕренекенсем Тушкил библиотекинче.