23 марта 2010 г.
Çĕнĕ Шупашкарти çулленхи сумлă ăмăртусенче Тушкил шкулĕнчи çамрăк волейболистсем кăçал 4-мĕш вырăна тăрса юлчĕç. Çав вăхăтрах мартăн 17-мĕшĕнче Патăрьел зонинчи ăмăртусенче В.Захаров воспитанникĕсем чи маттуррисем пулчĕç. Иртнĕ çул республикăра 3-мĕш вырăн йышăннă май, кăçал вĕсене тÿрех ăмăртусен иккĕмĕш тапхăрне хутшăнма ирĕк пачĕç. Тушкилсем елчĕксене те, патăрьелсене те парăнтарса 1-мĕш вырăн йышăнчĕç. Район чысне В.Селиванов, А.Михайлов, Н.Сергеев, Д.Якимов, В.Кузнецов, Д.Долгов хÿтĕлерĕç. Çурма финал ĕнер Шăхасанта пулнă.
Хĕрсем хушшинчи зонăри ăмăртусем (малтанхи тапхăр) Тăвайра иртрĕç. Унта вăрмарсем çĕнтерчĕç. Тушкил хĕрĕсем 2-мĕш, куславккасем 3-мĕш вырăнсене тухрĕç.