26 января 2010 г.
Автобус чарăнăвĕнче сапаланса выртакан пластик савăтсене, хутсене курсан кăмăл пăсăлать. Çил вĕсене пĕр вырăнтан тепĕр вырăна хăвалать, таса тавралăха варалаттарасшăн мар тейĕн. Хĕл лариччен çеç-ха таврана тасатрăмăр, ăпăр-тапăра миххе пуçтартăмăр, хăшне-пĕрне çунтартăмăр. Хĕвелтухăç урамĕнче пурăнакан ачасем пурте тăрăшса ĕçлерĕç кунта. Кăнтăрлахи автобуспа пирĕн яла чутейсем те, тĕмерсем те, амалăхсем те килсе çаврăнса каяççĕ. Кармалта тирпейсĕр çынсем пурăнаççĕ тесе калама та пултараççĕ-çке вĕсем. Магазин умĕнче лартса панă тимĕр пичкене яма пулмасть-ши вара çÿп-çапа? Шел пулин те, ун пек илемсĕр ÿкерчĕке ытти ялта та асăрхама пулать çав. Юлташсем, атьăр-ха тăван çĕре варалама пăрахар! Тирпейлĕх, тасалăх хамăршăн пулнине манар мар.