26 января 2010 г.
Халăха компьютерпа ĕçлеме пĕр çын юлмиччен хăнăхтарасси пирки те тĕплĕн чарăнса тăнă ЧР Президенчĕ Н.В.Федоров Чăваш Республикин Патшалăх Канашне янă Çырăвĕнче. Çак ыйтăва райадминистрацин вĕрентÿпе çамрăксен политикин пайĕн информаципе аналитика центрĕнче сÿтсе явнă. Семинара шкулсенчи информатика учителĕсене чĕннĕ. Унта районта пурăнакансене компьютерпа ĕçлеме хăнăхтарас тĕлĕшпе конкретлă мероприятисем палăртнă, вĕренÿ курсĕн примерлă программине туса хатĕрленĕ.
Халĕ пур вăтам шкулта та халăха информаци технологине алла илме пулăшассипе ятарлă курссем уçăлнă. Вĕсенче электронлă почтăпа ĕçлеме, тÿлевсĕр çыхăну ещĕкĕсем тума, Интернет сетĕнчен кирлĕ информацисем илме хăнăхтарассине тимлĕх уйăраççĕ.