26 января 2010 г.
Тепĕр чухне хăшпĕр çынсенчен: “Ял ĕçченне” çырăнтăр-и?“ тесен, кÿрентерекен çак шухăша илтме тÿр килет: “Мĕн тăватăп эпĕ унпа? Мана тивĕçтерекенни “АиФ” кăна”.
Çапла, “АиФра” çынна хумхантаракан нумай çивĕч ыйтăва хускатаççĕ, тĕнче хăçан пĕтесси таранах. Анчах “АиФ” санпа пĕр урамра пурăнакан ял ĕçченĕ, учительпе врач е пенсири Мархва аппапа Петĕр пичче пурнăçĕ çинчен нихçан та çырмасть. Район пурнăçне, районти çĕнĕ хыпарсене “Ял ĕçченне” вуласа кăна пĕлме пулать. Çавăнпа та: “Унта мана тивĕçтерекен хыпарсем çук” тесе çăмăлттайланма кирлех-ши; Кашни хаçат хăйне евĕр интереслĕ. “Ял ĕçченĕн” те ырă, çав вăхăтрах вăйсăр енĕсем те пур. Пирĕн пурин те – хаçатçăсен те, вулакансен те – пĕр-пĕрне хаçата пуянрах, тулли содержаниллĕрех тума пулăшмалла.