22 декабря 2009 г.
Чăваш Республикин Президенчĕ Н.В.Федоров ЧР Патшалăх Канашне 2010 çул валли янă Çырăвĕнче пирĕнтен кашниех халичченхинчен хастартарах, тухăçлăрах та творчествăллăрах, перекетлĕрех ĕçлеме пултарасси çинчен каларĕ. Çакă вăл пурнăçа, производствăна çĕнетсе, вăйлатса пыма, социаллă ыйтусене кал-калрах татса пама май парĕ. Малашлăха наукăпа никĕсленĕ, перекетлĕ экономика çул хывса пырĕ. Ку вăл пысăк резерв. Нумайăшĕ хамăртан, эпир пурнăçа çĕнĕлле курма тата йĕркелеме пĕлнинчен тата пултарнинчен килет. Çаксем кашни конкретлă участокрах пурнăçа кĕрсе пыччăр тесе тăрăшмалла. Çĕнĕлĕх, тухăçлăхпа перекетлĕх – пирĕншĕн хушма продукци, пысăк пахалăхлă ĕç, пурнăç условийĕсем лайăхланса пыни.