22 декабря 2009 г.
“Хальхи тĕнчере этем ресурсĕ – чи кирли”, – тенĕ ЧР Патшалăх Канашне тата чăваш халăхне янă Çырăвĕнче Николай Васильевич Федоров. Унăн сăмахĕсемпе 100 проценчĕпех килĕшетĕп. Хальхи тĕнчере кăна мар, вăл яланах чи пĕлтерĕшли пулнă пуль тетĕп. Мĕншĕн тесен общество мĕнле пурăнасси унăн çыннисем мĕнле ĕçленинчен тÿрремĕнех килет. Çавăнпа та Чăваш Республикин Президенчĕ пирĕн ума хăйĕн Çырăвĕнче конкретлă задача кăларса тăратать: ÿт-пÿ тĕлĕшĕнчен те, ăс-тăнпа кăмăл-сипет, ăс-хакăл тĕлĕшĕнчен те сывă çынсем пулмалла пирĕн. Паянхи пек пурăнма юрамасть, сăра-эрехпе иртĕхессинчен, табакпа наркотиксенчен татăклăн хăтăлмалла, кашни çемьен, кашни çыннăн сывă пурнăç йĕркине тытса пымалла. Çамрăк ăру пирки шухăшламалла. Кама çитĕнтеретпĕр эпир;