20 ноября 2009 г.
Коррупци çулсем иртнĕ май обществăра тарăн тымар ярсах пырать. Раççей Федерацийĕн Президенчĕ Дмитрий Медведев Федераци Пухăвĕнче ун пирки те сăмах тапратрĕ.
Кăçал çур çулта судсем ку ыйтупа Раççейре 4,5 пин ĕç пăхса тухнă. Айăпланакансен йышĕнче влаç органĕсем 532, право хуралĕн 700 ытла представителĕ пур. Губернаторсем, мэрсем, депутатсем, милиципе прокуратура, суд ĕçченĕсем, ра-йон-хула шайĕнчи ертÿçĕсем... Патшалăха çаратма, уйрăм çынсене улталама, айăпсăррисене айăплама именмеççĕ çемçе пукан йышăннисем. “Коррупци çĕр-шыва малалла кайма чăрмантарать. Çавăнпа ăна вăй илме памалла мар, унăн çулне шикленмесĕр пÿлсе пымалла”, – тет Президент. Питĕ лайăхчĕ ку тĕллев пурнăçлансан.