20 ноября 2009 г.
Республикăри спартакиада шучĕпе ноябрĕн 17-мĕшĕнче 1992 çулта тата унран каярах çуралнă хĕрачасем хушшинче баскетболла выляссипе республикăри ăмăртусен чĕрĕк финалĕ Тăвайра иртрĕ. Унта зал хуçисемсĕр пуçне шăмăршăсем, Шупашкар хулин Ленински районĕн тата Улатăр хулин командисем вылярĕç.
Пирĕн районта баскетбол хисепре марри тÿрех курăнчĕ. Мĕншĕн тесен тăвайсемпе тушкилсенчен пуçтарнă команда шăмăршăсенчен 18:50 шутпа çухату тÿсрĕ, Ленински районĕн командине те пысăк шутпа выляса ячĕ. Улатăр хулинчен килнĕ ятарлă ушкăнра ăсталăха ÿстерекен хĕр ачасем шупашкарсене 38:33, шăмăршăсене 20:12 шутсемпе çĕнтерчĕç (чăн та, шута шăмăршăсем уçса 4:0 тума пултарчĕç, анчах малалла улатăрсем опытлăрах пулни палăрчĕ). Баскетбол вăййине пирĕн районти шкулсенче те аталантарасчĕ.