20 ноября 2009 г.
Ĕçмелли шыв таса та паха пулни çын ĕмĕрне тăсма май панă пирки иккĕленмелли çук пулĕ. Пирĕн Тенеялĕнче кашни урамах шыв пăрăхĕ хывнă, çынсем ăна колонкăран ăсса пурăнаççĕ. Нумайăшĕ килнех кĕртнĕ шыва. Кун пек туни тата ансатлатать пурнăçа. Колонкăсем, чăн та, ванасси пулать, анчах вĕсене çийĕнчех тÿрлетме тăрăшаççĕ.
Нумаях пулмасть хуçалăхăн правлени çурчĕ çывăхĕнчи çырма урлă хывнă кивелнĕ шыв пăрăхне улăштарма тиврĕ. Ун вырăнне траншея чавсах полиэтилен пăрăх хывса хăварнă. “Акконд” предприяти пулăшрĕ пăрăхне илме, ĕçлекенсене те вăл тÿлерĕ. Кунти пăрăха улăштарнăранпа халĕ шыв йĕркеллĕ пырса тăрать, унăн пусăмĕ те тивĕçтерет. Малтан шыв пусăмĕ çитменнипе тертленетчĕç çырман тепĕр енче пурăнакансем.