06 ноября 2009 г.
Районти драмкружок членĕсен смотр-конкурсĕ пуçланчĕ нумаях пулмасть. Çĕнĕ Ишпуçĕнчи культура çуртĕнче вырăнти пукане театрĕн артисчĕсем хăйсен пултарулăхĕпе паллаштарчĕç.
Унччен маларах “Чее тилĕ”, “Мулкач пÿрчĕ” юмахсемпе “Ырă ĕç” пьесăпа савăнтарнăччĕ ял-йыша. Хальхинче артистсем куракансене А.Архиповăн “Тĕрĕс тунă”, В.Енĕшĕн “Пăкăварить” пьесисене, М.Петрован “Кĕтерук аппан бизнесĕ” (Тăвай районĕ 75 çул тултарнине халалласа çырнă) юмахне лартса пачĕç.
Андрей Иванов, Кристина Матвеева, Елизавета Матвеева, Анюта Максимова, Оксана Петрова, Ольга Мартынова рольсене питех те ăста вылярĕç.
Куракансем те, жюри членĕсем те пуканесен театрĕн пултарулăхне пысăка хурса хакларĕç.
Спектакльсене М.Петрова хатĕрленĕ.