30 октября 2009 г.
Эпир Тушкилти вăтам шкулта тăваттăмĕш класра вĕренетпĕр. Мария Терентьевна учительница йĕркелесе пынипе тĕрлĕ мероприятисем хатĕрлесе ирттеретпĕр. Нумаях пулмасть кĕр уявĕнче савăннăччĕ.
Математика эрнинче эпир задачăсем, пуç ватмăшсем шутларăмăр. Икĕ командăна пайланса ăмăртрăмăр, “Умники” ушкăн вăйлăрах пулчĕ. Денис Серафимов пуринчен нумай балл пухрĕ.
Вырăс чĕлхи эрнинче вара харпăр хăйшĕн тупăшрăмăр. Костя Дубровин, Игорь Павлов, Денис Серафимов, Дима Тобчубаев, Настя Владимирова мала тухрĕç.
Пирĕншĕн шкул пурнăçĕ усăллă та интереслĕ иртет.
Источник: "Ял ĕçченĕ"