Публикации » Йăнтăрчăсем маттур, республикăра – иккĕмĕш (Спорт)

Олимп вăййисенче хăвăрт утассипе бронза медаль çĕнсе илнĕ В.Андреев парнисемшĕн Елчĕкре республикăри сумлă ăмăртусем пулчĕç. Вĕсене Йăнтăрчă шкулĕнчен 14 вĕренекен хутшăнчĕ (тренерĕ Н.Степанов). 1998–1999 çулсенче çуралнисем хушшинче Элла Данилова (6 кл.) 1-мĕш, Виктория Конова (4 кл.) 3-мĕш, 1996–1997 çулсенче çуралнисем хушшинче Анастасия Конова (7 кл.) 2-мĕш вырăнсем йышăнчĕç. 1994–1995 çулсенче çуралнисем хушшинче Людмила Николаева çĕнтерÿçĕ пулса тăчĕ. Унăн тантăшĕ Марина Германова 2–3 вырăнсене пайларĕ. Çак кăтартусем Йăнтăрчă спортсменкисене командăпа канашсем хыççăн 2-мĕш вырăна тухма май панă. Мала тухнисене медальсемпе грамотăсем тата парнесем парса хавхалантарнă. Л.Николаевана вара сбора чĕнсе илнĕ.

В список