20 октября 2009 г.
Уйăх хыççăн уйăх хыçа юлчĕ. Виççĕмĕш квартал вĕçленчĕ. Çак тапхăрта хамăр мĕнле ĕçленине тишкерер-ха.
Суту-илÿри тăхăр уйăхри кăтартусем начар мар. Сăхăтпуçсем, тенеяльсем, вырăс салисем, лачкассисем, киччĕсем, чутейсем (апат-çимĕç тав.), çĕнĕ ишпуçсем, Тăвайри “Кооператор”, район центрĕнчи куллен кирлĕ таварсен иккĕмĕш номерлĕ магазинĕ, “Хĕвел” ятлă тата Кушкăри киосксем тăхăр уйăхри плана тултарнă. Эльпуçсем, ураскассисем, нÿшкассисем, çĕнĕ тата кивĕ пуянкассисем, тушкилсем (апат-çимĕç тав.), йăнтăрчăсем, чутейсем (промыш. тав), çăлпуçсем, чÿкçырмисем, район центрĕнчи виççĕмĕш номерлĕ магазин ку енĕпе аван ĕçлеççĕ. Çĕнçырмасен, тушкилсен (пром. тав.), улянкăсен, енĕшнăрвашсен (икĕ магазинĕ Те), тăрмăшсен, кармалсен, вăтаяльсен, тĕмерсен, амалăхсен, мучарсен, кĕршесен, район центрĕнчи пĕрремĕш номерлĕ магазинăн юлнă кунсемпе усă курма тăрăшмалла, тавар туянакансемпе ĕçлессине лайăхлатмалла.
Обществăлла апатланурисене те ырăпа палăртса хăвармалла.
Çулталăк вĕçленесси икĕ уйăх ытларах кăна юлчĕ. Сентре умĕнче тăракан, ытти çĕрте вăй хуракан кашни çыннăн çĕнĕ çула лайăх кĕтсе илессишĕн тимлесен аван.
Источник: "Ял ĕçченĕ"