13 октября 2009 г.
Октябрĕн 3-мĕшĕнче Тăрмăшра шкул ачисен республикăри ХII спартакиади шучĕпе сĕтел çи теннисла выляса ЧР Президенчĕн кубокĕшĕн районти ăмăртусем пулчĕç. 5 команда хутшăнчĕ вĕсене. Ытти çулсенчи пекех тăрмăшсем çĕнтерчĕç. Тăвайсем – 2-мĕш, мучарсем – 3-мĕш вырăнсенче.
Харпăр хăй хушшинче Ростик Павлов (Тăвай шкулĕ) ыттисенчен ăнăçлăрах вылярĕ. 2-мĕш вырăнта В.Звонарев (Тăрмăш), 3-мĕшĕнче Р.Антонов (Тăвай). Хĕр ачасем хушшинче малти вырăнсене пурне те тăрмăшсем йышăнчĕç: Аниса Дмитриева, Евгения Михайлова тата Наталья Дмитриева.
Харпăр хăй хушшинче мала тухнисене грамотăсемпе парнесем парса чысланă.
Источник: "Ял ĕçченĕ"