09 октября 2009 г.
Нÿшкасси ялĕн библиотекинче Ваттисен кунне халалласа хаваслă кану каçĕ иртрĕ. Чылайăн пухăнчĕç уява. Ветерансен совечĕн председателĕ Г.Е. Егоров, Э.В.Филиппова библиотекарь саламларĕç вĕсене. Шкул ачисем сăвăсем каларĕç, юрăсем юрларĕç. Пирĕн талантлă ентешĕмĕр Е.А.Фомина хăй çырнă сăввисемпе, юррипе паллаштарчĕ. Эпир унпа мухтанатпăр.
Çавра сĕтел хушшинче, чей ĕçсе, калаçрĕç ватăсем. Хăйсем ĕçлесе туса илнĕ пахча çимĕçпе сăйланчĕç. Çамрăклăхри юрăсене шăрантарчĕç. Такмакласах чăваш ташши ташларĕç хăнасем юлашкинчен.
Источник: "Ял ĕçченĕ"