02 октября 2009 г.
«Россельхозбанк» обществăн Тăвайĕнчи филиалĕ хăйĕн клиенчĕсене тăтăшах тимлĕх уйăрать. Район центрĕнче пурăнакан, тивĕçлĕ канăва тухнă Ольга Федоровна Шишовапа Юлия Васильевна Белоусована тата ытти пенсионерсене Ваттисен кунĕпе ăшшăн-ăшшăн саламлать вăл. Вĕсем пирĕнпе туслă çыхăну тытаççĕ. Ольга Федоровнана çитес çул валли “Ял ĕçченĕ”, Юлия Васильевнана “Советская Чувашия” хаçатсем çырăнса патăмăр. Çавăн пекех асăннă пенсионерсене, аслă ăрури ытти çынсене вăрăм ĕмĕрлĕ, çирĕп сывлăхлă, хавхалануллă, телейлĕ пулма сунатпăр. Ачăрсемпе, мăнукăрсемпе пĕрле 100 çула çитиччен савăнса пурăнмалла пултăр. Нихăçан та ан чирлĕр.
Сăн ÿкерчĕкре: «Россельхозбанк» обществăн Тăвайри филиалĕн ертÿçи З.Иванова О.Шишова пенсионеркăна саламлать.
Источник: "Ял ĕçченĕ"