02 октября 2009 г.
Нумай ачаллă çемьесем тата хăр тăлăхсем валли тăвакан пурăнмалли çурт-йĕр объекчĕсем тăвассине район пуçлăхĕ Н.И.Иванов çирĕп контрольте тытать. Асăннă категорири граждансем валли строительство ĕçĕсем мĕнле пынипе кăсăкланнăранпа вунă кун иртнĕ хыççăн вăл çав объектсене тепĕр хут çитсе курнă. Мĕнле улшăнусем пулнă-ха çак хушăра;
Çĕнĕ Пуянкассипе Кивĕ Пуянкасси ялĕсенче ĕçсем чарăнса ларнă. Кивĕ Пуянкассинче нумай ачаллă çемье валли тăвакан 2 хутлă çурт умĕнче район пуçлăхĕ “Волгострой” ООО ертÿçипе В.А.Павловпа тĕл пулса калаçнă, ĕçсене васкатма ыйтнă.
–Умра – сивĕ хĕл кунĕсем. Çĕнĕ Пуянкасси ял поселенийĕн администрацийĕн пурăнмалли çуртсене палăртнă вăхăтра хута яма васкавлă мерăсем йышăнмалла,– çапла хушу панă Н.Иванов поселени пуçлăхне Н.С.Васильева.
Кушкăра Шупашкарти “Реставратор” организаци строителĕсем тăрăшаççĕ. Вĕсем кĕске вăхăтрах çуртăн пĕрремĕш хутне хăпартнă. Паян-ыран иккĕмĕш хучĕ валли стройматериалсем кÿрсе килмелле. Николай Ильич кунти ĕç-хĕлпе кăмăллă юлнă.
Сăн ÿкерчĕкре: Кушкăри нумай ачаллă çемье валли хăпартакан çурт умĕнче.
Источник: "Ял ĕçченĕ"