29 сентября 2009 г.
Кĕркунне, çулленхи пекех, ял çыннине тимлĕрех пулма хушать. Ытларах çак вăхăтра çăвĕпе пăхса ÿстернĕ выльăх-чĕрлĕх, кайăк-кĕшĕк çухалнă тĕслĕхсем пулаççĕ. Кун çути тăршшĕ кĕскелнĕ май выльăх-чĕрлĕхе кăкарнă çĕртен, кĕтÿ янă хыççăн вăхăтра илсе таврăнмалла. Хăш-пĕрисем выльăхсене çул хĕрринех кăкараççĕ. Теприсен вăл-ку пулас пирки шухăш та çук, вĕсем выльăхсене ирĕке яраççĕ, кил картишне кĕртме васкамаççĕ. Çак самантсемпе “кукăр алăллă”, ямăттине юратакан çынсем усă кураççĕ те.
Коллективлă хуçалăхсенче те çĕрлехи хурал сыхлăхне ÿстермелле.