25 сентября 2009 г.
2008–2009 вĕренÿ çулĕнче Тăвайри вăтам шкулти 75 çамрăк алла аттестат илчĕ, вĕсенчен 56-шĕ (75 проц.) аслă шкулсене вĕренме кĕме пултарчĕ. Тăвай шкулĕн выпускникĕсем халĕ тĕрлĕ хуласенче ăс пухаççĕ: Мускавра, Санкт–Петербургра, Чулхулара, Хусанта, Шупашкарта. Студентсен 61 проценчĕ "34 çамрăк" бюджет никĕсĕ çинче вĕренет. Медалистсенчен 11-ĕшĕ умри ĕмĕчĕсене пурнăçа кĕртме тытăнчĕ. Сергей Кузьмин Хусанти патшалăх университечĕн истори факультечĕн, Анна Хайдуковапа Ирина Игнатьева Чулхулари медицина академийĕн, Елена Николаева Чăваш патшалăх университечĕн ют çĕршыв чĕлхисен факультечĕн студенчĕсем пулса тăчĕç.
Шкултан вĕренсе тухнă 16 çамрăк пуçламăш тата вăтам професси пĕлĕвĕ илет. Чи анлă сарăлнă специальноçсем: экономикăпа – 14 çамрăк, строительствăпа – 8, медицинăпа – 5, электроэнергетикăпа – 4, информатикăпа – 4, ял хуçалăхĕпе – 3. Рабочи специальноçĕсемпе 8 çамрăк ĕçлет. Кăçал 3 çамрăк çар службине тăма хатĕрленет.
Источник: "Ял ĕçченĕ"