15 сентября 2009 г.
Иртнĕ канмалли кунсенче район центрĕн урамĕсене капăрлатнă автомашинăсене илем кÿчĕç. Туй кортежне курсан, кашнин чĕринче ырă-ырă туйăм çуралать паллах. Пурĕ виçĕ туй пулнă. Василий Туйдуков (Кармал) Кристина Красновапа (Шупашкар), Алексей Якимов Марина Гурьевапа (иккĕшĕ те Нÿшкасси), Анатолий Ефимов (Эльпуç) Алевтина Черновапа (Патăрьел) мăшăрланнă иртнĕ эрнере.
Çамрăксене çемье чăмăртанă ятпа ашшĕ-амăшĕ, тăванĕсем, юлташĕсем, пĕлĕшĕсем саламланă. Телей, юрату, çирĕп сывлăх суннă.
Источник: "Ял ĕçченĕ"