25 августа 2009 г.
Иртнĕ эрнере “Акконд-агро фирма” магазинĕ комплексран кÿрсе килекен сĕте сутма пуçларĕ. Ăна кашни кунах илсе килеççĕ. Сĕтĕн пахалăхĕ лайăх, вăл чи пысăк сортлă, унри çу хисепĕ 4 процент. Унăн пахалăхне ветеринари служби панă сертификат та çирĕплетет. Хакĕ те ытти магазинсенче сутакан 2,5 процентлă çуллăхлă сĕтĕннинчен чылай йÿнĕрех – 1 литрĕ 12 тенкĕ кăна. Тутине сиссе ĕлкĕрнисем “Акконд-агро фирма” сĕтне питĕ хăвăрт туянса пĕтереççĕ.
“Акконд–агро фирма” магазин çурчĕн тепĕр пуçĕнче столовăй вырнаçнă. Сĕт унти апат-çимĕç рационне те пуянлатма, апат хакне йÿнетме пултарать. Унран пăтă, какао пĕçерме, икерчĕ–пĕлĕме вĕретнĕ сĕтпе сыпса çиме, чей вырăнне ĕçме пулать. Маларахри çулсенче сĕте апат рационĕнче тăтăш курма пулатчĕ. Сĕт – сывлăхшăн паха продукци.
Источник: "Ял ĕçченĕ"