11 августа 2009 г.
Тăвайĕнче пурăнакан Сергей Витальевич Кузьмин кăçал вунпĕрмĕш класран “5” паллăсемпе кăна вĕренсе тухрĕ. Пултаруллă каччă ылтăн медаль илме тивĕçлĕ пулчĕ.
Право предмечĕпе шкулти, районти, республикăри олимпиадăсенче çĕнтерÿçĕ пулса тăрса пĕлтĕр Раççейре ăнăçлă хÿтĕленĕччĕ Чăваш Ен чысне ентешĕмĕр. Ăна асăннă предметпа шкул директорĕ А.Кириллов вĕрентнĕ. Вĕренÿри çитĕнÿсемшĕн Сергей Кузьмина кăçал Чăваш Президенчĕн стипендиачĕсен йышне кĕртнĕ. Çамрăксен çулталăкĕнче мал ĕмĕтлĕ каччăна тата пысăкрах ăнăçу сунатпăр, унăн тĕллевĕ пурнăçланса пытăр.
Сăн ÿкерчĕкре: Тăвайри С.Кузьмин.
В.НИКИТИН сăн ÿкерчĕкĕ.
Источник: "Ял ĕçченĕ"