21 июля 2009 г.
“Акконд-агро фирма” обществăн инженер-строителĕ В. Александров пушă вăхăта усăллă ирттерме тăрăшать. Ăна хытă кăсăклантаракан темăран пĕри – чăвашлăх историне, халăх епле пуçланса кайнине, тăван тăрăхсен топонимикине тĕпчесси. Юлашки çулсенче вăл ку темăсемпе чылай кăсăклă статьясем пичетлесе кăларчĕ, çав шутра республикăри хаçатсенче те. Тĕпчевçĕ пулнипе пĕрлех унра шахматист чунне те асăрхамасăр тăма çук. Василий Анатольевич турнирсенче ăсталăха ÿстерсех пырать, позицие тарăн тишкерме пĕлет, районти пултаруллă шахматистсенчен пĕри. Халĕ вăл Интернет урлă шахмат ăмăртăвĕсене хутшăнать. 30 тĕл пулуран 27-шне выляса илнĕ (87процент). Компьютер кашни хода шутлама 3 минут парать, çав вăхăтра ĕлкĕреймесен, спортсмен çухату тÿсет. Çывăх вăхăтра В.Александров шахматпа I разряд нормине пурнăçласшăн.
Интернет – шахмат вăййине юратакан ачасемпе çамрăксемшĕн те пысăк пулăшу.
Источник: "Ял ĕçченĕ"