30 июня 2009 г.
Юсав ĕçĕсем пыраççĕ (Строительство)
Кăçалхи май уйăхĕнче Тăвайра нумай хваттерлĕ çуртсене капиталлă юсавсем ирттересси пирки комиссиллĕ суйлав пулнă. Ăна Тăвайри “Мастер” управляющи кампанийĕ ирттернĕ. Унта строительство комплексĕнчи 11 организаци хутшăннă. Районта ĕçлеме икĕ коллектива суйласа илнĕ. Вĕсенчен пĕри – “Янтиковская” МСО УАО – Строительнăй урамĕнчи 3-мĕш тата Ленин проспектĕнчи 29-мĕш çуртсене (2-мĕш лот) юсать. Канашри “Стройсантех Плюс” ООО Ленин проспектĕнчи 17, 23, 24 тата 27-мĕш çуртсенче, çавăн пекех РТПри 1-мĕш номерлĕ çуртра (1 тата 3-мĕш лотсем) юсав ирттерет. Палăртнă ĕçсене сентябрĕн 1-мĕшĕ тĕлне вĕçлемелле.
Капиталлă юсавпа пĕрлех куллен-кунхи ĕçсене те пурнăçлаççĕ строительсем.
П.АЛЕКСЕЕВ.
Источник: "Ял ĕçченĕ"