03 июля 2009 г.
Кĕр тыррисем акма (Сельское хозяйство)
Вăхăт чарăнса тăмасть, июне вĕçлесе июле кĕтĕмĕр. Часах август та çитет. Унăн иккĕмĕш çурринчен вара кĕр тыррисем акмалли сроксем пуçланаççĕ. Çакна асра тытса районти чылай хуçалăхра çĕр кăпкалатса хатĕрлес ĕçсем пыраççĕ. Ку ĕçе хальлĕхе районĕпе 1183 гектар çинче пурнăçланă, çав шутран “Акконд–агро фирма” обществăра 258 гектар, “Шимкусский” хуçалăхра 210, “Дружбăра” 105, “Красная Чувашия” ял хуçалăх кооперативĕнче 100, Ленин ячĕллĕ хуçалăхра – 70, “Победа” ОООра 60, Осипов, Хумышев фермер хуçалăхĕсенче 100-шер гектар ытла çĕр кăпкалатса хатĕрленĕ. Ку ĕç çавăн пекех “Новый путь”, “1 Мая”, “Чутеевский” ЯХПКсенче, “Родник” ОООра, Николаев, Данилов тата ытти хăшпĕр фермер хуçалăхĕсенче те пырать. Вăхăтра çĕр хатĕрлесе хурса, кĕр тыррисене чи лайăх сроксенче акса хăварни вĕсене лайăх каçма тата тухăçа ÿстерме май парĕ.
Н.КРАСНОВ, районти тĕп агроном.
Источник: "Ял ĕçченĕ"