23 июня 2009 г.
Пулăхлăх рейсĕсем (Экономика)
Районти “Сельхозхими” УАО механизаторĕсем çак кунсенче известь карьерĕнчен “Шимкусский” хуçалăха рейс хыççăн рейс тăваççĕ, унти хура пусса известь çăнăхĕ турттарса сапаççĕ. Хальлĕхе асăннă хуçалăхра 80 гектар çинчи йÿçек çĕрсене сапса хатĕрлеççĕ, çак ĕçе МВУ-6 разбрасывательсем пулăшнипе тăваççĕ. Виçĕ техника турттарса сапать известь çăнăхне, кашни ултă-çичĕ тонна турттарса тухать пĕр рейспа. Маларах “Акконд-агро фирма” обществăн Амалăх ялĕ çывăхĕнчи уйĕсене те 100 ытла гектар çине известь çăнăхĕ турттарса сапнă.
Калиллĕ удобрение те çапла майпа сапаланă. Ку ĕçе “Дружба”, “Шимкусский” ял хуçалăх кооперативĕсемпе “Акконд–агро фирма” общество уйĕсенче туса ирттернĕ.
Карьерта известь çăнăхĕсĕр пуçне вак чул та хатĕрлесе хуни пур. Ăна илес текенсене пурне те сутаççĕ.
В.МИХАЙЛОВ.
Источник: "Ял ĕçченĕ"