19 июня 2009 г.
Халĕ те илеççĕ ЛПХ кредитнем (Общество)
Çĕршывра наци проекчĕсене пурнăçа кĕртме тытăнсан, пирĕн Тушкил ял поселенийĕн территорийĕнче пурăнакансем те “АПК аталанăвĕ” приоритетлă наци проекчĕн никĕсĕ çинче харпăр хăй хушма хуçалăхне аталантарма паракан çăмăллăхлă кредита чылайăшĕ илчĕ. ЛПХ кредичĕпе пĕрисем трактор е груз турттармалли машина, мотоблок, строительство материалĕсем, выльăх-чĕрлĕх, хуçалăх ĕçĕнче кирлĕ хатĕрсем туянчĕç, теприсем витесем турĕç тата ытти те. Курттăмăн паракан укçа çынсен хуçалăхĕсене вăйлатма пулăшрĕ. ЛПХ кредичĕпе техника, вăрлăхпа удобрени туянма май килнĕрен çынсем уйсенче çĕр участокĕсем илсе çĕрулми тата ытти ял хуçалăх культурисем акса тума тытăнчĕç. Пирĕн ял поселенийĕпе юлашки вăхăтра та ЛПХ кредичĕ илекенсем пулчĕç. Сăмахран, Сăхăтпуçĕнчи Сергей Акимов, Тушкилти Александр Осипов, Вероника Васильева тата ыттисем те. Вĕсем çăмăллăхлă кредитсемпе маларах асăннă тĕллевсемпех усă курнă.
И.ФИЛИППОВА, Тушкил ял поселенийĕн пуçлăхĕн çумĕ.
Источник: "Ял ĕçченĕ"