11 июня 2009 г.
Журналистсемпе кооператорсен канашлăвĕнче (Торговля)
Пирĕн районти журналистсемпе кооператорсем 12 çул каяллах туслă çыхăну тытса ĕçлеме пуçланă. Пурнăçăн йывăр саманинче вĕсем пĕр-пĕрне пулăшсах тăчĕç. “Ял ĕçченĕ” хаçатра кашни уйăхрах сăмах илчĕ потребобщество, хăйсен ĕçĕпе паллаштарсах тăчĕ тавар туянакансене.
Республикăра вара кашни çулах ятарлă семинар-канашлусем ирттереççĕ кооператорсемпе журналистсем. Нумаях пулмасть çавнашкал мероприяти Çĕрпÿ районĕнче пулнă. Пухăннисем кунти ĕçченсен опычĕпе тĕплĕн паллашнă. Канашлура Чăвашпотребсоюз председателĕ В.Павлов, Чăваш Енри журналистсен союзĕн ертÿçи В.Комиссаров тата ыттисем те тухса калаçнă, тĕрлĕ сĕнÿсем панă.
Унта пирĕн районтан та хутшăннă, харпăр хăй ĕçĕсенче усă курмалли çĕнĕлĕхсемпе паллашнă.
А.ПЕТРОВА.
Источник: "Ял ĕçченĕ"