07 июля 2009 г.
“Газель” автомашинăна çунтарнă (Происшествие, правопорядок)
Халь кашни çемьенех автомашина пур, тесен те йăнăш мар. Пĕрисем транспорта гаража лартаççĕ каçхине. Теприсен хурçă “учĕсем” ире урамрах кĕтсе илеççĕ. “Сигнализаци пур, вăрласа каяймĕç”, – тесе шухăшлаççĕ пулас хуçисем. Апла пулин те автомашинăна “çавăтса” кайма ăс çитереççĕ преступниксем е салонри йăтса кайма май пур япаласене шăхăртаççĕ.
Юлашки вăхăтра çунтарма пултаракансем те тупăнкалама пуçларĕç. Кивĕ Пуянкассинчи пĕр çыннăн “Газель” автомашини çунса кĕлленнĕ çапла.
Çавăнпа транспорт тытакансене питĕ тимлĕ пулма сĕнес килет. Преступлени тăвакансем каçхине çывăрмаççĕ, курайманнисене сиен тăвассишĕн тăрăшса çÿреççĕ е начар выртакан япаласене шыраççĕ.
Б.БОРИСОВ, шалти ĕçсен районти пайĕ.
Источник: "Ял ĕçченĕ"