27 февраля 2009 г.
Биатлонра тупăшнă (Спорт)
Оборонăпа массăллă тата спорт ĕçĕсен уйăхлăхне хутшăнса Çĕнĕ Пуянкасси ял поселенийĕнче пурăнакан çамрăксемпе шкулта вĕренекенсем хушшинче тĕрлĕ мероприятисем иртнĕ. Çапла вĕренекенсем хушшинче биатлон ăмăртăвĕсем пулнă. Хĕрачасем те, арçын ачасем те 500 метрлă 2 çаврăм чупнă, кашни çаврăм хыççăн пневматикăлла винтовкăран 3 хутчен пенĕ. Хĕр ачасем хушшинче Настя Гурьева, арçын ачасем хушшинче Стас Игнатьев, Алексей Иванов, Артем Антонов (пурте 7 кл.) палăрнă. 8-11 классенчи арçын ачасемпе яшсем 3 çаврăм чупнă. Кунта Николай Ивановпа Сергей Сидоров (10 кл.) мала тухнă. Хĕрсем (2 çаврăм) хушшинче Ксения Степанова (11 кл.), Еленăпа Надя Красновăсем (иккĕшĕ те 8 кл.) çĕнтернĕ. Мала тухнисене грамотăсем парса хавхалантарнă.
П.ФЕДОРОВ.
Источник: "Ял ĕçченĕ"