03 марта 2009 г.
Йĕлтĕрçĕсен ăмăртăвĕ (Спорт)
Йăнтăрчă шкулĕнче йĕлтĕрпе чупас ăмăрту пулса иртрĕ. Ку тупăшăва пиллĕкмĕшĕнчен пуçласа вунпĕрмĕш классем таран хутшăнчĕç.
Хĕрсем – пĕр, арçын ачасем 2 çухрăм чупрĕç. Пиллĕкĕмĕшсемпе саккăрмĕшсем хушшинче Людмила Николаева чи лайăх результат кăтартрĕ. Анастасия Конова (6 кл.) – иккĕмĕш вырăнта. 8 класра вĕренекен Снежанна Владимирова виççĕмĕш картлашка çине тăчĕ. Арçын ачасенчен Владик Матвеева (6 кл.) çитекенни пулмарĕ. Саккăрмĕш класри Александр Егоров иккĕмĕш вырăна юлчĕ. Çав класра вĕренекен Андрей Деветьяров – виççĕмĕшĕнче.
Аслă классенчен Екатерина Галкина (9 кл.) пĕрремĕш вырăна тухрĕ.
Арçын ачасенчен Дима Воробьев (10 кл.) çĕнтерÿçĕ пулса тăчĕ. Роман Миронов – иккĕмĕш, Дмитрий Андреев (9 кл.) виççĕмĕш вырăнсене пайларĕç.
Екатерина МИХАЙЛОВА, Йăнтăрчă шкулĕ.
Источник: "Ял ĕçченĕ"