06 февраля 2009 г.
Чÿкçырмисем район чысне хÿтĕлеççĕ (Спорт)
Республикăри шкул ачисем хушшинче “Ылтăн шайба” клуб парнишĕн 4 ÿсĕм ушкăнĕнче хоккей ăмăртăвĕсем пыраççĕ. Тĕп ушкăнра (10-11 кл.) чÿкçырмисем (тĕпрен илсен, район чысне пур ушкăнра та вĕсем хÿтĕлеççĕ) Вăрмар зонинчи тĕл пулусенче площадка хуçисене 14:0, куславккасене 9:2 шутсемпе çĕмĕрсе тăкнă. Аслă ушкăнрисем, иртнĕ çул республикăра 3-мĕш вырăн йышăннă май, кăçал тÿрех иккĕмĕш çаврăмран вăйăсене хутшăнаççĕ. Вĕсем февралĕн 4-мĕшĕнче Шăмăршă районĕн хоккеисчĕсемпе тĕл пулнă. Хăнасене 2:1 шутпа çĕнтернĕ.
6-7 классенче вĕренекенсем пирвайхи сыпăкри вăйăсенче Красноармейски районĕн командине 12:2 шутпа çĕнтернĕ, комсомольскисем, пĕрех выляса яратпăр тесе, пирĕн район командине вылямасăрах парăннă, тÿрех красноармейскисемпе тĕл пулнă та вĕсенчен те 1:5 шутпа çухату тÿснĕ. 2-мĕш çаврăмра вĕсем елчĕксене 4:5 шутпа выляса янă. Кĕçĕн ушкăнри (4–5 кл.) ачасем иккĕмĕш çаврăмра шăмăршăсене парăннă.
В.КУЗНЕЦОВ, ДЮСШ директорĕ.
Источник: "Ял ĕçченĕ"