06 февраля 2009 г.
Хастар хутшăнаççĕ (Спорт, образование)
Оборонăпа спорт тата массăллă ĕçсен уйăхлăхĕ пырать. 5–11-мĕш классем хушшинче шашка вăййи иртрĕ. 8-мĕш класран И.Николаева, Т.Константинова, А.Ефимов, С.Еремеев хутшăнчĕç. Ирина Николаева 3-мĕш вырăн йышăннă пулсан та, саккăрмĕшсем малтисен шутне лекеймерĕç.
Январĕн 27-мĕшĕнче пăшалтан перессипе А.Ефимов 3-мĕш, Е.Петров 2-мĕш, Н.Краснова 1-мĕш, Т.Константинова 2-мĕш вырăнсем йышăнчĕç. Ку ăмăртура саккăрмĕшсем 5–8 классем хушшинче çĕнтерчĕç.
Çитес кунсенче йĕлтĕрпе чупассипе ăмăртусем иртмелле.
Марина АЛЕКСАНДРОВА, 8-мĕш класс, Çĕнĕ Пуянкасси шкулĕ.
Источник: "Ял ĕçченĕ"