23 января 2009 г.
Илемлĕ çутăсен конкурсĕнче (Общество)
Çĕнĕ çул уявĕн кунĕсенче “Çутă пултăр!” ятлă фестиваль йĕркелерĕç республикăра. Çавна май Тăвай ялĕнчи организацисемпе предприятисен çурчĕсем те тĕрлĕ тĕслĕ çутăсемпе йăлкăшрĕç каçсерен. Симĕс чăрăша, Хĕл мучие сăнарларĕç çутăсем, Çĕнĕ çул е 2009 çул ячĕпе тесе çырнисем те илем кÿчĕç таврана.
“Çутă уçлăхĕ” районти конкурса çак кунсенче пĕтĕмлетрĕç. Тăвайри тĕп больница коллективĕ чи илемлĕ çутăсем çутатассине йĕркеленĕ, çĕнтерÿçĕ пулса тăнă. Иккĕмĕш вырăнта – Тăвайри культурăпа кану центрĕ. Виççĕмĕшне вара “Водоэлектросеть” МУП йышăннă. Çĕнтерÿçĕсене Дипломпа тата призсем парса хавхалантарнă.
Л.ПАВЛОВА.
Источник: "Ял ĕçченĕ"