17 апреля 2009 г.
Вăхăтлăх ĕç те ĕçех (Общество, занятость)
Кăçалхи 3 уйăхра халăха ĕçпе тивĕçтерекен центр ĕçсĕр çынсемпе çул çитмен çамрăксене вăхăтлăх ĕçпе тивĕçтерес тĕлĕшпе предприятисемпе тата организацисемпе 19 килĕшÿ тунă. Пирĕн служба урлă 70 ĕçсĕр çын обществăлла ĕçсене хутшăнчĕ. Хăш-пĕрисем çавăн пекех ветеринари службин специалисчĕсене килти хур-кăвакалсемпе чăхсене, мăйракаллă шултра выльăха кайăк-кĕшĕк грипĕнчен хÿтĕлесе вакцинаци тума пулăшрĕç. Ĕç тупассипе йывăрлăха кĕрсе ÿкнĕ тепĕр 5 çын (инвалидсем, пенсие тухас ÿсĕмри, ларса тухнă çынсем т.ыт.те) учрежденисен территорийĕсене юртан тасатрĕç, çурхи шыв-шуртан сыхланас ĕçсенче пулчĕç.
14 çултан пуçласа 18 çула çитичченхи çул çитмен çамрăксем социаллă объектсен территорийĕсене тирпей-илем кĕртме хутшăнчĕç, ĕçпе вăрçă ветеранĕсене социаллă пулăшу пачĕç.
Н.ПАВЛОВА, халăха ĕçпе тивĕçтерекен районти центр директорĕ.
Источник: "Ял ĕçченĕ"