17 апреля 2009 г.
Центр килĕшÿсем тăвать (Занятость)
2009 çулта халăха ĕçпе тивĕçтерес тĕлĕшпе республикăра тĕллевлĕ программа йышăннă, унта хушма мерăсем палăртнă. Районти ĕçпе тивĕçтерекен центр та çав программăпа килĕшÿллĕн ĕçлесе пырать. Паянхи куна центр районти 18 организаципе 141 ĕç вырăнĕ пирки килĕшÿ тунă. Вĕсенчен 88 çынна ĕçпе тивĕçтернĕ те ĕнтĕ. Ытларахăшне обществăлла ĕçсене явăçтарнă. Çав шута тулли мар ĕç эрниллĕ, ĕçлекенсене укçа тÿлемесĕр отпуска янă предприятисемпе организацисем те кĕреççĕ. Обществăлла ĕçсен шутне тирпей-илем кĕртес, тĕп ĕçсене тума хатĕрленнĕ тапхăрти ĕçсем те кĕреççĕ. Тата часах çурхи уй-хир ĕçĕсем пуçланаççĕ, вĕсене хатĕрленсе кĕтсе илмелле. Акă “Родник” хуçалăха "А.Петров" 18 çынна вăхăтлăх ĕç вырăнĕпе тивĕçтернĕ, “Чутеевский” хуçалăха 5 çын янă. Заявкăсем татах пулаççĕ-ха.
О.ВЛАДИМИРОВА.
Источник: "Ял ĕçченĕ"